దుబాయ్‌ పోలీస్‌, డిపార్ట్‌మెంట్‌ ఆఫ్‌ సివిల్‌ డిఫెన్స్‌ - అల్‌ కాసిస్‌ ఉద్యోగుల్ని ఘనంగా సన్మానించింది. దుబాయ్‌ ఇంటర్నేషనల్‌ ఎయిర్‌పోర్ట్‌ టెర్మినల్‌ 2 వద్ద ఓ కారు అగ్ని ప్రమాదానికి గురికాగా, వేగంగా స్పందించినందుకుగాను సిబ్బందిని సన్మానించడం జరిగిందని అధికారులు తెలిపారు. దుబాయ్‌ పోలీస్‌ - ఎయిర్‌పోర్ట్స్‌ సెక్యూరిటీ డిపార్ట్‌మెంట్‌ డిప్యూటీ డైరెక్టర్‌ బ్రిగేడియర్‌ మొహమ్మద్‌ అహ్మద్‌ బిన్‌ దైలాన్‌ మాట్లాడుతూ, సిబ్బంది అత్యంత వేగంగా, అత్యంత చాకచక్యంగా, అత్యంత సమర్థవంతంగా వ్యవహరించారని కితాబులిచ్చారు. ఉద్యోగుల్ని సన్మానించడం ద్వారా వారిలో పని పట్ల అంకిత భావం మరింత పెరుగుతుందని చెప్పారాయన.