మస్కట్‌: ఏడుగురు వలసదారుల్ని రాయల్‌ ఒమన్‌ పోలీసులు ఇ-ఫ్రాడ్‌ కేసులో అరెస్ట్‌ చేశారు. సిటిజన్స్‌నీ, రెసిడెంట్స్‌నీ బ్యాంకు ఉద్యోగులుగా నమ్మించి నిందితులు ఫ్రాడ్‌కి పాల్పడినట్లు పోలీసులు పేర్కొన్నారు. ఎంపిక చేసుకున్న వినియోగదారులకు మెసేజ్‌లు పంపి, క్రెడిట్‌ కార్డ్‌ ఇన్ఫర్మేషన్‌ని అప్‌డేట్‌ చేసుకోమని కోరుతున్నారనీ, ఈ క్రమంలో వారి నుంచి వివరాలు సేకరించి, వారి బ్యాంక్‌ అక్కౌంట్ల నుంచి డబ్బుల్ని నిందితులు తస్కరిస్తున్నారని వివరించారు రాయల్‌ ఒమన్‌ పోలీస్‌. నిందితులు ఈ నేరాలకు పాల్పడేందుకు పెద్దయెత్తున మొబైల్‌ ఫోన్లను వినియోగిస్తున్నట్లు అధికారులు తెలిపారు. ఇలాంటి మోసాలపట్ల అప్రమత్తంగా వుండాలని అధికారులు పౌరులు, రెసిడెంట్స్‌కి సూచిస్తున్నారు.