కువైట్‌: 'డియర్‌ కస్టమర్‌.. మీ ఏటీఎం కార్డ్‌ ర్దయ్యింది. ఈ నెంబర్‌కి ఫోన్‌ చేసి మీ వివరాలు అప్‌డేట్‌ చేసుకోండి..' అంటూ వచ్చే మెసేజ్‌, ఓ వలసదారుడి బ్యాంక్‌ అకౌంట్‌ నుంచి 1000కి పైగా దినార్లు మాయమయ్యేలా చేసింది. ఈ మేరకు బాధితుడు పోలీసులకు ఫిర్యాదు చేశారు. తన ఫోన్‌కి మెసేజ్‌ రాగానే, వెంటనే ఆ మెసేజ్‌కి అనుగుణంగా తాను వివరాల్ని అప్‌డేట్‌ చేశాననీ, ఆ తర్వాత తన అకౌంట్‌ నుంచి మూడు విడతలుగా డబ్బు తనకు తెలియకుండా డ్రా అయ్యిందని వాపోయాడు బాధితుడు. బ్యాంకుని సంప్రదిస్తే, గుర్తు తెలియని వ్యక్తి నుంచి ఆ మెసేజ్‌ వచ్చినట్లు నిర్ధారించారనీ, అది బ్యాంకు ఉద్యోగులకు సంబంధించిన వ్యవహారం కాదని చెప్పారంటున్నారు బాధిత వ్యక్తి. ఈ కేసుని మినిస్ట్రీ ఆఫ్‌ ఇంటీరియర్‌ ఇ-క్రైమ్స్‌ డిపార్ట్‌మెంట్‌కి అప్పగించారు.