షార్జా సివిల్‌ డిఫెన్స్‌కి చెందిన పైర్‌ ఫైటర్స్‌, చాకచక్యంగా ఓ రెసిడెన్షియల్‌ బిల్డింగ్‌లో చెలరేగిన మంటల్ని అదుపు చేశారు. అల్‌ బుహైరాలోని అల్‌ దుర్రా టవర్‌లో ఈ అగ్ని ప్రమాదం చోటు చేసుకుంది. అయితే, ఎవరికీ ఈ ప్రమాదంలో గాయాలు కాలేదు. సంఘటనా స్థలానికి చేరుకున్న ఫైర్‌ ఫైటర్స్‌, తొలుత భవనాన్ని ఖాళీ చేయించారు. ఆ తర్వాత మంటల్ని అదుపు చేశారు. షార్జా సివిల్‌ డిఫెన్స్‌ మీడియా అండ్‌ పబ్లిక్‌ రిలేషన్స్‌ డిపార్ట్‌మెంట్‌ డైరెక్టర్‌ మేజర్‌ హని అల్‌ దహ్మాని మాట్లాడుతూ, సంఘటన గురించిన సమాచారం అందుకోగానే అల్‌ ఎదారా, సమ్నాన్‌, అల్‌ మినా, మువైలిహ్‌ మరియు అల్‌ నహ్దా నుంచి ఫైర్‌ ఫైటర్స్‌ని పంపించినట్లు చెప్పారు. అగ్ని ప్రమాదానికి గల కారణాలు తెలియాల్సి వుంది.