ఖతార్: మెట్రో కమ్యూటర్స్‌కి ఇది నిజంగానే గుడ్‌ న్యూస్‌. మినిస్ట్రీ ఆఫ్‌ ట్రాన్స్‌పోర్ట్‌ అండ్‌ కమ్యూనికేషన్స్‌ వెల్లడించిన వివరాల ప్రకారం దోహా మెట్రో రెడ్‌ లైన్‌ సౌత్‌, వారాంతాల్లోనూ అందుబాటులో వుంటుంది. సెప్టెంబర్‌ 27 నుంచి ఇది అందుబాటులోకి వస్తుంది. శనివారం నుంచి గురువారం వరకు ఉదయం 6 గంటల నుంచి రాత్రి 11 గంటల వరకు, శుక్రవారం మధ్యాహ్నం 2 గంటల నుంచి రాత్రి 11 గంటల వరకు ఇది అందుబాటులో వుంటుందని అధికారులు పేర్కొన్నారు. మెట్రో లింక్‌ మరియు మెట్రో ఎక్స్‌ప్రెస్‌ సర్వీసులు కూడా మెట్రో ఆపరేషనల్‌ అవర్స్‌లో అందుబాటులోనే వుంటాయి.