ఎమిరాటి ఆస్ట్రోనాట్‌ హజ్జా అల్‌ మన్సూరి, ఇస్లాంకి సంబంధించి పవిత్ర స్థలాలైన సౌదీ అరేబియాలోని మక్కాలోగల గ్రాండ్‌ మాస్క్‌ ఫొటోల్ని అంతర్జాతీయ అంతరిక్ష కేంద్రం నుంచి తీశారు. వాటిని తన ఇన్‌స్టాగ్రామ్‌ పేజ్‌లో పోస్ట్‌ చేశారు హజ్జా అల్‌మన్సూరి. భూమికి 350 కిలోమీటర్ల దూరంలోని ఆర్బిట్‌లో చక్కర్లు కొడుతోన్న అంతర్జాతీయ అంతరిక్ష కేంద్రం నుంచి ఈ ఫొటోల్ని హజ్జా తీశారు. 'హ్యాపీయెస్ట్‌ ఆస్ట్రోనాట్‌ టు ది హ్యాపీయెస్ట్‌ నేషన్‌.. దిస్‌ ఈజ్‌ హిస్టరీ.. దిస్‌ ఈజ్‌ ది యూఏఈ ఫ్రమ్‌ స్పేస్‌' అంటూ మరో ఫొటోని కూడా హజ్జా పోస్ట్‌ చేశారు. కాగా, సంప్రదాయ ఎమిరేటీ అట్టయిర్‌లో హజ్జా కన్పించడం గమనార్హం. తొలిసారి అంతరిక్షంలోకి వెళ్ళిన హజ్జా అల్‌మన్సౌరి రేపు భూమికి తిరిగిరానున్నారు.