బహ్రెయిన్: జనరల్‌ డైరెక్టరేట్‌ ఆఫ్‌ ట్రాఫిక్‌, ఆ-ట్రాఫిక్‌ అప్లికేషన్‌ ద్వారా స్పీడ్‌ రాడార్‌ కెమెరాలను గుర్తించే సర్వీస్‌ని అందుబాటులోకి తెచ్చింది. ఇ-గవర్నమెంట్‌ అథారిటీ - జిపిఎస్‌ ఫెసిలిటీ ద్వారా ఈ యాప్‌, రాడార్‌ కెమెరాలకు సంబంధించిన సమాచారాన్ని అందిస్తుంది. డైరెక్టర్‌ జనరల్‌ ఆఫ్‌ ట్రాఫిక్‌ బ్రిగేడియర్‌ షేక్‌ అబ్దుల్‌రహ్మాన్‌ బిన్‌ అబ్దుల్‌ వహాబ్‌ అల్‌ ఖలీఫా మాట్లాడుతూ, వాహనదారులకు సంబంధించి ట్రాఫిక్‌ సేఫ్టీని ప్రమోట్‌ చేసేందుకు తమ డిపార్ట్‌మెంట్‌ కట్టుబడి వుందనీ, ఈ నేపథ్యంలో పలు రకాలైన కార్యక్రమాలు చేపడుతున్నామని అన్నారు. రోడ్‌ యూజర్లకు రోడ్లపై ఏర్పాటు చేసిన కెమెరాలు కన్పిస్తున్నప్పటికీ, కొందరు మాత్రం ఉల్లంఘనలకు పాల్పడుతున్నారనీ, చాలామంది మాత్రం ట్రాఫిక్‌ నిబంధనల్ని పాటిస్తున్నారనీ చెప్పారు.