బహ్రెయిన్‌లోని ఎంబజీ ఆఫ్‌ జపాన్‌, జపాన్‌ ఫౌండేషన్‌ అలాగే బహ్రెయిన్‌ అథారిటీ ఫర్‌ కల్చర్‌ అండ్‌ ఆంటిక్విటీస్‌తో కలిసి 'ది డాల్స్‌ ఆఫ్‌ జపాన్‌ ఎగ్జిబిషన్‌'ని బహ్రెయిన్‌ నేషనల్‌ మ్యూజియం (హాల్‌ 8)లో నిర్వహించనున్నాయి. అక్టోబర్‌ 13న రాత్రి 7 గంటలకు ఈ ఎగ్జిబిషన్‌ ప్రారంభం కానుండగా, 13 నవంబర్‌ వరకు ఇది కొనసాగుతుందని ఎంబసీ పేర్కొంది. గర్ల్‌ ఫెస్టివల్‌ డాల్స్‌ హినా నింగ్యో, బాయ్స్‌ డే డాల్స్‌ గోగాస్తు నింగ్యో వంటివి ఇక్కడ ప్రధాన ఆకర్షణలు కానున్నాయి. సంప్రదాయాల్ని ప్రతిబింబించేలా ఈ డాల్స్‌ని ఏర్పాటు చేస్తున్నారు. పిల్లలు, పెద్దలు ప్రతి ఒక్కరూ మెచ్చేలా అందమైన బొమ్మల్ని ప్రదర్శనకు వుంచుతారు. వీటిల్లో కొన్ని స్థానికంగా తయారు చేయబడినవి కూడా వుంటాయి.