దుబాయ్‌: వివిధ కారణాలతో మెడికల్‌ ఎక్స్‌పెన్సెస్‌ చెల్లించలేక సమస్యలు ఎదుర్కొంటున్న భారత పర్యాటకులు / వలసదారులకు యూఏఈలోని ఇండియన్‌ కాన్సులేట్‌ స్పష్టమైన సూచన చేసింది. తమ దృష్టికి వచ్చిన కొన్ని కేసుల పరిష్కారం కోసం తమవంతు ప్రయత్నం చేస్తున్నామనీ, తమ తరఫున సహాయ సహకారాలు అందిస్తూనే వున్నామని ఇండియన్‌ కాన్సులేట్‌ పేర్కొంది. అయితే, యూఏఈకి ప్రయాణించే భారతీయులు, అవసరమైన మేర ఇన్సూరెన్స్‌ కవర్‌ పొందాలనీ, మెడికల్‌ పర్పస్‌ కోసం ఖచ్చితంగా ఇన్స్సూరెన్స్‌ పొందాల్సిందేనని కాన్సులేట్‌ ఓ ప్రకటనలో స్పష్టం చేసింది. యూఏఈలో పర్యటించాలన్నా, యూఏఈలో నివసించాలన్నా ఈ ఇన్సూరెన్స్‌ తప్పనిసరి అని కాన్సులేట్‌ తేల్చి చెప్పింది.