ఖతార్‌: వాతావరణంలో అనూహ్య మార్పులు చోటు చేసుకోవడంతో 'ఫ్లూ' వేగంగా విస్తరించే అవకాశాన్న నేపథ్యంలో ఖతార్‌ మినిస్ట్రీ ఆఫ్‌ పబ్లిక్‌ హెల్త్‌, హమాద్‌ మెడికల్‌ కార్పొరేషన్‌ అలాగే ప్రైమరీ హెల్త్‌ కేర్‌ కార్పొరేషన్‌తో కలిసి 'యాన్యువల్‌ ఫైట్‌ ది ఫ్లూ' నేషన్‌ వైడ్‌ క్యాంపెయిన్‌ని ప్రారంభించడం జరిగింది. హెల్త్‌ అథారిటీస్‌ 200,000 మందికి ఉచితంగా ఈ వ్యాక్సీన్లను దేశవ్యాప్తంగా అందించనున్నట్లు అధికారిక వర్గాలు వెల్లడించాయి. ఫ్లూ అనేది కొన్ని సందర్భాల్లో చాలా తీవ్ర రూపం దాల్చుతుందని హెచ్‌ఎంసి వర్గాలు పేర్కొంటున్నాయి. యాన్యువల్‌ సీజనల్‌ ఫ్లూ వ్యాక్సిన్‌, చాలా ఉపయోగకరమని అధికారులు పేర్కొంటున్నారు. 40 ప్రైవేటు హెల్త్‌ కేర్‌ సెంటర్స్‌ కూడా ఫ్లూ వ్యాక్సీన్‌ని అందిస్తున్నాయి. ఒకరి నుంచి ఇంకొకరికి వేగంగా వ్యాపించే ఫ్లూని నివారించడమే అత్యుత్తమ మార్గమని వైద్యులు పేర్కొంటున్నారు.