బహ్రెయిన్‌: కింగ్‌డమ్‌కి చెందిన వలసదారుల అథ్లెటిక్స్‌ క్లబ్‌, వలస కోచ్‌ రజీనా అబ్దుల్‌ కలామ్‌ని సన్మానించింది. భారతదేశంలోని కేరళకు చెందిన రజీనా అబ్దుల్‌ కలామ్‌, ఫిట్‌నెస్‌ పట్ల ఆసక్తి కలిగినవారికి కోచింగ్‌ ఇస్తూ వస్తున్నారు. ఇది తనకు దక్కిన అరుదైన గౌరవంగా భావిస్తున్నట్లు రజీనా చెప్పారు. ఈ రంగంలోకి తాను ప్రవేశించినప్పుడు, పూర్తిగా మహిళలకు అనుకూలంగా లేని పరిస్థితులున్నాయంటూ ఆమె పేర్కొన్నారు. ప్రస్తుతం అందరి ఆలోచనలూ మారాయనీ, చాలామంది మహిళలు ఫిట్‌నెస్‌ కోచ్‌లుగా రూపాంతరం చెందుతున్నారని చెప్పారామె. ఫిట్‌నెస్‌ ద్వారా అనేక అనారోగ్య సమస్యలకు చెక్‌ పెట్టవచ్చునని డయాబెటిస్‌, హైపర్‌టెన్షన్‌ వంటి వ్యాధులకు ఫిట్‌నెస్‌ సరైన మందు అనీ ఆమె వివరించారు.