మస్కట్‌: నార్త్‌ అల్‌ బతినా గవర్నరేట్‌లో ఇద్దరు వ్యక్తుల్ని పోలీసులు అదుపులోకి తీసుకున్నారు. వాహనాలతో డ్రిఫ్టింగ్‌కి పాల్పడుతూ, ఇతరుల ప్రాణాలకు హాని కలిగించేలా వ్యవహరించారనే అభియోగాలు నిందితులపై మోపబడ్డాయి. అల్‌ బతినా గవర్నరేట్‌ పోలీస్‌ కమాండ్‌, ఇద్దరు వ్యక్తుల్ని అరెస్ట్‌ చేసినట్లు రాయల్‌ ఒమన్‌ పోలీస్‌ ఆన్‌ లైన్‌ ద్వారా ఓ ప్రకటన విడుదల చేయడం జరిగింది. పబ్లిక్‌ కంఫర్ట్‌ని దెబ్బ తీసేలా వ్యవహరిస్తూ డ్రిఫ్టింగ్‌కి పాల్పడేవారిపై కఠిన చర్యలు వుంటాయని అధికారులు హెచ్చరించారు. నిందితులపై చట్టపరమైన చర్యలుంటాయనీ, తదుపరి చట్టపరమైన చర్యల నిమిత్తం సంబంధిత అథారిటీస్‌కి నిందితుల్ని అప్పగించడం జరిగిందని రాయల్‌ ఒమన్‌ పోలీస్‌ ప్రకటనలో పేర్కొంది.