యూఏఈ ప్రైమ్‌ మినిస్టర్‌, వైస్‌ ప్రెసిడెంట్‌ అలాగే దుబాయ్‌ రూలర్‌ అయిన షేక్‌ మొహమ్మద్‌ బిన్‌ రషీద్‌ అల్‌మక్తౌమ్‌, ట్విట్టర్‌ వేదికగా దీపావళి శుభాకాంక్షలు తెలిపారు. దీపావళిని సెలబ్రేట్‌ చేసుకుంటున్న అందరికీ యూఏఈ ప్రజలు, ప్రభుత్వం తరఫున శుభాకాంక్షలు తెలుపుతున్నట్లు ట్వీట్‌ చేశారు షేక్‌ మొహమ్మద్‌. వెలుగుల పండుగ అయిన దీపావళి అందరిలోనూ ఆనందోత్సాహాల వెలుగులు నింపాలని ఆయన ఆకాంక్షించారు. అక్టోబర్‌ 25న ధన్‌తేరాస్‌తో దీపావళి సంబరాలు మొదలవుతాయి.