చెన్నై నుంచి కువైట్‌ కు వెళ్లవలసిన విమానం శుక్రవారం ఎమర్జెన్సీ ల్యాండింగ్‌ అయ్యింది. టేకాఫ్‌ తీసుకున్న కొన్ని క్షణాలకు స్మోక్‌ అలారమ్‌ రావడంతో.. విమానాన్ని చెన్నై ఎయిర్‌పోర్ట్‌లో అత్యవసరంగా దించారు. ఫ్లయిట్‌ నెంబర్‌ 6ఈ1751 అర్థరాత్రి 1.20 నిమిషాలకు టేకాఫ్‌ తీసుకుంది. కార్గో క్యాబిన్‌లో పొగ రావడంతో.. పైలట్‌ విమానాన్ని అరగంటలోనే మళ్లీ విమానాశ్రయానికి తీసుకువచ్చాడు. ఎమర్జెన్సీ ల్యాండింగ్‌ సమయంలో విమానంలో 150 మంది ప్రయాణికులు ఉన్నారు. మళ్లీ తెల్లవారుజామున 4.30 నిమిషాలకు మరో విమానంలో ప్రయాణికులను పంపించారు.