యూ.ఏ.ఈ:ఇద్దరు ఆసియా వ్యక్తులపై దాడి జరిగింది. దుండగులు, బాధితుల్ని కిడ్నాప్‌ చేసి, వారిపై క్రికెట్‌ బ్యాట్లతో దాడి చేసి, ఎడారిలో డంప్‌ చేసిన ఘటన అల్‌ సజ్జా ఇండస్ట్రియల్‌ ఏరియాకి సమీపంలో జరిగింది. బాధితులకు తీవ్రగాయాలయ్యాయి. అల్‌ కాసిమి హాస్పిటల్‌లో ప్రాణాలతో పోరాడుతున్నారు బాధితులు.ఓ పబ్లిక్‌ ట్రాన్స్‌పోర్ట్‌ వెహికిల్‌ డ్రైవర్‌ తమకు సమాచారం అందించారనీ, ఈ నేపథ్యంలో సంఘటనా స్థలానికి చేరుకుని, బాధితులను ఆసుపత్రికి తరలించామని అధికారులు వివరించారు. ముగ్గురు వ్యక్తులు తమపై దాడి చేసినట్లు బాధితులు పోలీసులకు తెలిపారు. శరీరంపై తీవ్రగాయాలు వున్నాయనీ, బాధితుల లివర్‌ దెబ్బతిందనీ, ఇద్దరికీ శస్త్ర చికిత్సలు అవసరమని అల్‌ ఖాసిమి హాస్పిటల్‌ అధికారి వివరించారు.