మస్కట్‌: రాయల్‌ ఒమన్‌ పోలీస్‌, ఇద్దరు వ్యక్తుల్ని వెహికిల్‌ రిలేటెడ్‌ నేరాలకు సంబంధించి అరెస్ట్‌ చేయడం జరిగింది. ఈ మేరకు రాయల్‌ ఒమన్‌ పోలీస్‌, ఓ ప్రకటన విడుదల చేసింది. నార్త్‌ అల్‌ బతినా పోలీస్‌ కమాండ్‌ ఇద్దరు వ్యక్తుల్ని అరెస్ట్‌ చేసిందనీ, డ్రిఫ్టింగ్‌కి పాల్పడుతున్న నేరంతోపాటుగా, ఇతరుల కార్లకు చెందిన నెంబర్‌ ప్లేట్లను దొంగిలించి వాటిల్లో ఒకదాన్ని తమ కారుకి వాడినట్లు కూడా అభియోగాలు మోపినట్లు ఆ ప్రకటనలో తెలిపారు అధికారులు. నెంబర్‌ ప్లేట్‌ మార్చి, కేసు తప్పుదోవ పట్టించినట్లు కూడా నిందితులపై అభియోగాలు మోపబడ్డాయి. నిందితులపై చట్టపరమైన చర్యలు తీసుకుంటామని రాయల్‌ ఒమన్‌ పోలీస్‌ తెలిపింది.