'విజిట్ కం ఎంప్లాయిమెంటు' పద్ధతిలో గల్ఫ్ కు మానవ అక్రమ రవాణా
- November 13, 2019గల్ఫ్ లోని ప్రముఖ దేశమైన యునైటెడ్ అరబ్ ఎమిరేట్స్ (యుఎఇ) లోని దుబాయ్ మినహా అబుదాబి, షార్జా తదితర ఆరు రాజ్యాలకు ఇటీవలి కాలంలో పురుషుల అక్రమరవాణా పెరిగిపోయిందని, గత ఆరునెలల కాలంలో ఈవిధంగా ఆరువేలకు పైగా తెలంగాణ యువకులు 'విజిట్ కం ఎంప్లాయిమెంటు' పద్ధతిలో అక్రమ మార్గంలో దేశందాటి వెళ్లిపోయినట్లు అంచనా అని ఎఐటియుసి జగిత్యాల జిల్లా కార్యదర్శి మహ్మద్ ముక్రం ఒక ప్రకటనలో తెలిపారు.
గల్ఫ్ తో సహా 18 దేశాలకు ఉద్యోగానికి వెళ్లే కార్మికులు రూ.325 చెల్లిస్తే 2 సం.రాల కాలపరిమితి గల రూ.10 లక్షల విలువైన 'ప్రవాసి భారతీయ బీమా యోజన' (పిబిబివై) అనే ప్రమాద బీమా పాలసీ పొందవచ్చు. ఎమిగ్రేషన్ యాక్టు-1983 నిబంధనల ప్రకారం... గల్ఫ్ దేశాలకు వెళ్లకముందే ఈ పాలసీని పొంది, ఇ-మైగ్రేట్ సిస్టం లో నమోదు చేసుకొని, ఎమిగ్రేషన్ క్లియరెన్స్ పొందాల్సి ఉంటుందని ముక్రం వివరించారు. ప్రవాసి భారతీయ బీమా పాలసీ లేకుండా కార్మికులు గల్ఫ్ దేశాలకు వెళ్లకూడదు. ప్రవాసి ఇన్సూరెన్స్ పాలసీ గల్ఫ్ ఏజెంట్లను నిలదీయాలని, పాలసీ ఇవ్వని పక్షంలో సమీప పోలీస్ స్టేషన్ లో ఫిర్యాదు చేయాలని ఆయన కోరారు.
*అధిక లాభం కోసం విజిట్ వీసాలపై...*
అధికలాభం కోసం ఏజెంట్లు అడ్డదారిలో కార్మికులను విజిట్ వీసాపై దేశం దాటిస్తున్నారు. విజిట్ వీసాలపై విదేశాలకు వెళ్లడం వలన భారత ప్రభుత్వ ఇ-మైగ్రేట్ సిస్టంలో వీరి డేటా నమోదు కానందున ఆపద సమయాల్లో ఎంబసీ రక్షణ పొందడం కష్టం. ప్రవాసి కార్మికులు రూ. 10 లక్షల విలువైన ప్రవాసి భారతీయ బీమా యోజన (పిబిబివై) ప్రమాద బీమా ప్రయోజనాలు పొందలేకపోతున్నారు. క్లీన్ కో, ఫార్నెక్, ఇతిహాద్ హాస్పిటాలిటీ, హైపర్ మార్కెట్, సూపర్ మార్కెట్, బల్దియా లాంటి కంపెనీలకు పెద్ద ఎత్తున అక్రమ వలసలు కొనసాగుతున్నాయని పోలీసులు ఈ విషయంపై దృష్టి సారించాలని ముక్రం కోరారు.
*పోలీసులకు చిక్కకుండా...*
ఉత్తర తెలంగాణ జిల్లాలలో 'విజిట్ కం ఎంప్లాయిమెంటు' పద్ధతిలో అక్రమ ఇంటర్వూలు నిర్వహిస్తున్నప్పటికీ గల్ఫ్ ఉద్యోగాలభర్తీ ప్రక్రియపై, ఎమిగ్రేషన్ చట్టంపై పోలీసులకు సరైన అవగాహన లేకపోవడం, స్థానిక ఒత్తిళ్లు, ఉదాసీన వైఖరి వలన అక్రమవలసలను ఆపలేకపోతున్నారు. పోలీసు దాడుల నుంచి తప్పించుకోవడానికి ఏజెంట్లు కొత్త ఎత్తుగడలను అనుసరిస్తున్నారు. యుఎఇ కి వెళ్లాలనుకునే యువకులను సమీకరించి రహస్య ప్రాంతాలలో కూర్చోబెట్టి ముంబయిలో ఉన్న ప్రధాన ఏజెంటుతో స్కయిపు ద్వారా ఇంటర్వూలు నిర్వహిస్తున్నారని ఆయన అన్నారు. గల్ఫ్ కార్మికులు సహాయం, సలహాల కోసం ఎఐటియుసి హెల్ప్ లైన్ నెంబర్ 98668 53116 కుగాని, భారత ప్రభుత్వ హెల్ప్ లైన్ నెంబర్ 1800 11 3090 కుగాని కాల్ చేయాలని ఆయన కోరారు.
తాజా వార్తలు
- కాలిఫోర్నియా లాంగ్ బీచ్లో కాల్పుల కలకలం
- ఉమ్ రామూల్, అల్ బర్షాలోని ఆర్టీఏ కేంద్రాలు అప్గ్రేడ్
- దుబాయ్ కు పోటెత్తుతున్న భారతీయులు..!
- సౌదీ రాజుకు HM సుల్తాన్ సంతాపం
- టాప్ 20 ప్రపంచ కార్ మార్కెట్లలో సౌదీ అరేబియా
- ఇన్వెస్ట్ స్కామ్..బౌన్స్ చెక్కు జారీ చేసిన వ్యక్తికి జైలు శిక్ష
- యూఏఈలో వేసవి ప్రారంభం వరకు వర్షాలు..!
- ఏపీలో ప్రభుత్వ ఉద్యోగులకు గుడ్న్యూస్..
- ఎన్నికల వేళ ఆంధ్రప్రదేశ్ డీజీపీ రాజేంద్రనాథ్ రెడ్డి పై ఈసీ బదిలీ వేటు
- వాట్సాప్ అకౌంట్ ‘రిస్ట్రిక్షన్’ ఫీచర్ వచ్చేస్తోంది..