కువైట్‌: ఓ కువైటీ కుటుంబానికి డ్రైవర్‌గా పనిచేస్తున్న ఓ భారతీయ వలసదారుడు సబాహ్‌ అల్‌ సలెమ్‌లో తాను నివసిస్తున్న రూమ్‌లో ఆత్మహత్య చేసుకున్నాడు. ఉరి వేసుకుని ఆ వ్యక్తి మృతి చెందినట్లుగా పోలీసులు పేర్కొన్నారు. మృతదేహాన్ని ఫోరెన్సిక్‌ పరీక్షల నిమిత్తం తరలించినట్లు తెలిపారు అధికారులు. ఈ ఘటన గురించి మృతుడి స్పాన్సరర్‌ పోలీసులకు సమాచారమిచ్చినట్లు అధికారులు వివరించారు. మృతుడి ఆత్మహత్యకు గల కారణాలపై విచారణ జరుగుతోందని అధికారులు తెలిపారు.