విక్టరీ వెంకటేశ్‌, అక్కినేని నాగచైతన్య కాంబినేషన్‌లో రూపొందుతోన్న చిత్రం `వెంకీమామ`. డైరెక్టర్ కె.ఎస్‌.రవీంద్ర(బాబీ) దర్శకత్వంలో డి.సురేష్‌బాబు, టీజీ విశ్వప్రసాద్ ఈ చిత్రాన్ని నిర్మించారు. నిజ జీవితంలో మామ అల్లుళ్లలైన వెంకటేశ్‌, చైతన్య వెండితెరపై కూడా అదే పాత్రలను పోషిస్తున్నారు. డిసెంబర్ 13న సినిమా విడుదలవుతుంది. సినిమా సెన్సార్ పూర్తయ్యింది. యు/ఎ సర్టిఫికేట్ వచ్చింది. సినిమా వ్యవథి 149.23 నిమిషాలు. రాశీఖన్నా, పాయల్ రాజ్‌పుత్ హీరోయిన్స్‌. గ్రామీణ నేపథ్యంలో సినిమా రూపొందింది. వెంకటేశ్ ఇందులో రైతు పాత్రలో నటిస్తుంటే.. చైతన్య ఆర్మీ ఆఫీసర్ పాత్రలో కనిపించబోతున్నారు.