యూఏఈ లో బిజినెస్, రీసెర్చ్ చేయాలనుకునేవారికి వీసా అప్లికేషన్ల విషయంలో యూఏఈ మరింత సులభతరం చేసింది. గోల్డ్ కార్డ్ వీసా అప్లికేషన్ల కోసం ఫెడరల్ అథారిటీ ఫర్ ఐడెంటిటీ & సిటిజన్ షిప్ ప్రత్యేకంగా వెబ్ సైట్ లాంచ్ చేసింది. యూఏఈలో ఉండేందుకు లాంగ్ టర్మ్ వీసా పొందాలనుకునే ఎంటర్ ప్రెన్యూర్స్, ప్రొఫెషనల్ టాలెంట్స్, రీసెర్చర్స్  ఈ వెబ్ సైట్ ద్వారా నేరుగా అప్లై చేసుకోవచ్చు.

https://business.goldenvisa.ae యూఆర్ఎల్ అడ్రస్ ద్వారా యూఏఈ గోల్డ్ వీసాకు అర్హులైన వారు దరఖాస్తు చేసుకోవచ్చు. అధికారులు అప్లికేషన్ల అర్హతను చెక్ చేసి ఉన్నతాధికారులకు ప్రాసెస్ చేస్తారు. వీసా జారీలో పారదర్శకత ఉండేలా సంబంధిత అధికారులు అందరూ దరఖాస్తు స్టేటస్ ను చెక్ చేయవచ్చు. బిజినెస్, రీసెర్చ్ రంగాల్లో యూఏఈలో ఉన్న అపారమైన అవకాశాలను అందిపుచ్చుకొని మెరుగైన భవిష్యత్తుకు బాటలు వేసేలా గోల్డ్ కార్డ్ వీసా ప్రతిభావంతులకు దోహదం చేస్తుంది. "గోల్డ్ రెసిడెన్సీ వీసా, గోల్డ్ కార్డ్" పొందినవారు 5 నుంచి 10 ఏళ్ల వరకు యూఏఈలో ఉండేందుకు అనుమతి ఉంటుంది. వీసా హోల్డర్ ఫ్యామిలి మెంబర్స్ కి కూడా ఈ వీసా వర్తిస్తుంది. గోల్డ్ కార్డ్ వీసా ప్రాసెస్ గత మే 21 నుంచి ప్రారంభమైంది. ఈ ఏడాదిలో 6,800ల గోల్డ్ కార్డ్ వీసాలను ఇవ్వాలని జనరల్ డైరెక్టరేట్ రెసిడెన్సీ & ఫారెనర్స్ అఫైర్స్ లక్ష్యంగా నిర్దేశించుకుంది.