నటరత్న నందమూరి బాలకృష్ణ తనయుడు మోక్షజ్ఞ తెరంగేట్రం గురించి ఎప్పట్నుంచో వార్తలు వస్తున్నాయి. త్వరలోనే మోక్షజ్ఞ ఎంట్రీ అని వార్తలు రావడం.. ఎప్పటికప్పుడు వాయిదా పడడం జరుగుతోంది. తన తనయుడి అరంగేట్రం గురించి తాజాగా బాలయ్య స్పందించారు. కచ్చితంగా మోక్షజ్ఞ ఎంట్రీ ఉంటుందని స్పష్టం చేశారు. `చదువుకునే రోజుల్లో వాడి దృష్టి పూర్తిగా చదువు మీదే ఉండేది. ఇప్పుడు సినిమాల గురించి కూడా ఆలోచిస్తున్నాడు. సినిమాలకు సంబంధించి తన ఆలోచనలను నాతో పంచుకుంటున్నాడు. కచ్చితంగా ఏదో ఒక రోజు మోక్షజ్ఞను వెండితెరపై చూస్తారు. అయితే అదెప్పుడన్నది ఇప్పుడే చెప్పలేన`ని బాలయ్య తెలిపారు.