ప్రొఫెషనల్ ఫోటోగ్రాఫర్లకు ఓ అస్ట్రేలియన్ మిలియనీర్ బంపర్ ఆఫర్ ప్రకటించాడు. తనకు పర్సనల్ ఫోటో గ్రాఫర్ కావాలంటూ ఓ ప్రకటన విడుదల చేశాడు. శాలరీ ఎంతో తెలుసా? ఏడాదికి 2,00,000 దిర్హామ్ లు. చేయాల్సిందల్లా ఆ మిలియనీర్ తో పాటు ఫారెన్ టూర్స్ కి వెళ్లి అతని ఫోటోలను తీసి సోషల్ మీడియాలో అప్ లోడ్ చేయటమే.
ఆస్ట్రేలియాకు చెందిన ఆ మిలియనీర్ పేరు మాథ్యూ లెప్రె. అతని వయస్సు జస్ట్ 26 ఏళ్లే. ఈ-కామర్స్ దిగ్గజంగా పేరొందిన మాథ్యూ గతంలో కూడా ఇలాంటి సంచలన ప్రకటన చేశాడు. తనకు పర్సనల్ అసిస్టెంట్ కావాలని, జీతం 1,91,000 దిర్హామ్ లు ఇస్తానని ఈ ఏడాది మార్చిలో ప్రకటించాడు. ఇక పర్సనల్ ఫోటో గ్రాఫర్ కావాలంటూ భారీ శాలరీతో మళ్లీ ఇప్పుడు జాబ్ ఆఫర్ ఇస్తున్నాడతను. తనతో పాటు యూరప్, యూఎస్ఏ ప్రయాణించి ఫోటోలు తీయాల్సి ఉంటుంది. ఇంతకీ ఈ ఈ-కామర్స్ మిలియనీర్ సంపాదన ఎంతో తెలుసా? నెలకు 4,44. 770 దిర్హామ్ లు.