కువైట్‌: మునిసిపాలిటీ డైరెక్టర్‌ జనరల్‌ అహ్మద్‌ అల్‌ మన్‌ఫౌహి మాట్లాడుతూ, జిలీబ్‌ అల్‌ షుయోక్‌ ప్రాంతంలో మినిస్ట్రీ 500కి పైగా స్టోర్స్‌ని పలు రకాల ఉల్లంఘనల నేపథ్యంలో మూసివేసినట్లు ప్రకటించారు. 100కి పైగా స్టోర్స్‌కి సీలింగ్‌ స్టిక్కర్స్‌ కూడా అంటించడం జరిగిందని ఆయన వివరించారు. గవర్నమెంట్‌ టీమ్‌ జరిపిన ఫీల్డ్‌ టూర్‌లో భాగంగా ఈ చర్యలు చేపట్టారు. లైసెన్స్‌ లేకుండా నడుపుతున్న ఇన్స్యూరెన్స్‌ ఆఫీసుల్ని కూడా ఈ సందర్భంగా మూసివేశారు. కాగా, షామియాలోని చిల్డ్రన్స్‌ క్లబ్‌లో స్వల్ప అగ్ని ప్రమాదం చోటు చేసుకుందని అధికారులు వెల్లడించారు. వైరింగ్‌లో లోపాలే ఈ ప్రమాదానికి కారణమని మినిస్ట్రీ అండర్‌ సెక్రెటరీ అబ్దెల్‌అజీజ్‌ షుయైబ్‌ చెప్పారు.