రియాద్ లో పబ్లిక్ డీసెన్సీ వయోలేషన్ కి పాల్పడిన 9 మంది మహిళలకు పోలీసులు జరిమాన విధించారు. గత ఏప్రిల్ 9న మంత్రిమండలి అప్రూవ్ చేసిన పబ్లిక్ డీసెన్సీ కోడ్ మేరకు ఫైన్ విధించినట్లు రియాద్ పోలీసులు తెలిపారు. ఇదిలాఉంటే.. స్ట్రీట్ హెరాస్మెంట్ కు పాల్పడిన 24 మందిని అరెస్ట్ చేశారు. కొద్ది రోజులుగా సోషల్ మీడియాలో సర్క్యూలేట్ అవుతున్న వీడియో క్లిప్పింగ్ ల ఆధారంగా వీళ్లని అదుపులోకి తీసుకున్నారు. రియాద్ లో జరిగిన ఓ మేజర్ పబ్లిక్ ఈవెంట్ కు హజరైన అతిథులను నిందితులు వేధించినట్లు గుర్తించారు. సౌదీ అరేబియా యాంటీ హెరాస్మెట్ చట్టం ప్రకారం నిందితులపై ఆరోపణలను రుజువు అయితే..రెండేళ్ల పాటు జైలు శిక్ష, SR1,00,000ల ఫైన్ విధించే అవకాశాలు ఉన్నాయి.