మ్యూజిక్ మేస్ట్రో ఇళయరాజాకు అవార్డులు, అరుదైన గౌరవాలు అందుకోవడం కొత్తేమీ కాదు. తాజాగా ఇళయరాజాకు కేరళ ప్రభుత్వం ప్రతిష్ఠాత్మక అవార్డును ప్రకటించింది. ఆయనకు 'హరివరాసనం' అవార్డును బహూకరించి, సత్కరించనున్నట్టు పేర్కొంది. జనవరి 15న శబరిమలలో అవార్డును అందజేయనున్నట్టు కేరళ సర్కారు ఓ ప్రకటనలో తెలిపింది.

అయ్యప్ప పవళింపు సేవలో 'హరివరాసనం' పాటను పాడతారన్న సంగతి తెలిసిందే. తనకు వచ్చిన అవార్డుపై ఇళరాజా స్పందించారు. అయ్యప్ప కరుణా కటాక్షాల కారణంగానే తనకు ఈ గుర్తింపు లభించిందని ఆనందాన్ని వ్యక్తం చేశారు. ఈ అవార్డు తనకి ప్రత్యేకమైనదని తెలిపారు.