రియాద్‌: సౌదీ కమిషన్‌ ఫర్‌ టూరిజం అండ్‌ నేషనల్‌ హెరిటేజ్‌, యూఎస్‌ అలాగే యూకే మరియు ఈయూ వీసాతో వున్నవారికి సౌదీ అరేబియాలో ఎంట్రీ లభిస్తుందని పేర్కొంది. వీసా అపాన్‌ అరైవల్‌ ద్వారా పైన పేర్కొనబడిన కమర్షియల్‌ లేదా టూరిస్ట్‌ వీసాతో సౌదీ అరేబియాలోకి ప్రవేశించడానికి వీలు కలుగుతుంది. సౌదీ అరేబియాలోకి ఎంట్రీ ఇచ్చే ముందు సదరు విజిటర్‌, ఖచ్చితంగా యూఎస్‌, బ్రిటన్‌ లేదా ఇతర షెంగెన్‌ కంట్రీస్‌ని సందర్శించేందుకు వీసాని వినియోగించాల్సి వుంటుంది. ప్రపంచంలోని పలు దేశాలకు చెందిన విజిటర్స్‌కి మరింత మెరుగ్గా ఆహ్వానం పలికేందుకు ఈ కొత్త విధానాల్ని ఎప్పటికప్పుడు తెరపైకి తెస్తున్నారు.