ఒమన్‌ పోస్ట్‌, తమ వినియోగదారులు జనవరి 31లోగా తమ సబ్‌స్క్రిప్షన్స్‌ని రెన్యువల్‌ చేసుకోవాలని సూచించింది. ఇండివిడ్యువల్స్‌కి 20 ఒమన్‌ రియాల్స్‌, కార్పొరేట్స్‌ 60ఒమన్‌ రియాల్స్‌తో తమ సబ్‌స్క్రిప్షన్స్‌ని రెన్యువల్‌ చేయించుకోవాల్సి వుంటుంది. ఒమన్‌ వ్యాప్తంగా వున్న 83 ఒమన్‌ పోస్ట్‌ బ్రాంచ్‌లలో ఈ రెన్యువల్‌కి అవకాశం వుంది. ఒమన్‌ పోస్ట్‌కి చెందిన పిఓ బాక్సులు, అత్యంత సమర్థవంతంగా పనిచేస్తున్నాయి. డిజిటల్‌ సర్వీసులు అందుబాటులోకి వచ్చాక కూడా పోస్ట్‌ బాక్స్‌లకు ఆదరణ తగ్గలేదని ఒమన్‌ పోస్ట్‌ - పోస్ట్‌ బాక్సెస్‌ సూపర్‌ వైజర్‌ మాజిద్‌ అల్‌ మమారి చెప్పారు.