కువైట్‌: క్రిమినల్‌ ఇన్వెస్టిగేషన్‌ డిపార్ట్‌మెంట్‌ (సిఐడి) వలసదారులైన ముగ్గురు ఫార్మసిస్టుల్ని అరెస్ట్‌ చేయడం జరిగింది. తప్పుడు ప్రిస్క్రిప్షన్స్‌నీ, ఫాల్సిఫైయింగ్‌ సిక్‌ లీవ్స్‌నీ ఇస్తున్నందుకుగాను వీరిపై కేసులు నమోదు చేశారు అధికారులు. నిందితుల గురించి పక్కా సమాచారం అందుకున్న పోలీసులు వారిపై నిఘా పెట్టారు. సీక్రెట్‌ ఏజెంట్‌ని పంపి, వారిని రెడ్‌ హ్యాండెడ్‌గా పట్టుకోవడం జరిగింది. మూడు రోజుల సిక్‌ లీవ్‌ని 10 కువైటీ దినార్స్‌కి నిందితులు విక్రయించినట్లు అధికారులు గుర్తించారు. విచారణ సందర్భంగా తొలుత పట్టుబడ్డ ఫార్మసిస్టు, మిగతా ఇద్దరి వివరాల్ని అందించగా, మొత్తం ముగ్గుర్నీ అదుపులోకి తీసుకుని, తదుపరి విచారణ నిమిత్తం సంబంధిత అథారిటీస్‌కి అప్పగించారు.