బహ్రెయిన్‌: సీఫ్‌లోని సిటీ సెంటర్‌ బిల్డింగ్‌లో అగ్ని ప్రమాదం చోటు చేసుకుంది. ఊహించని ఈ ఘటనతో ఒక్కసారిగా విజిటర్స్‌ ఆందోళనకు గురయ్యారు. సివిల్‌ డిఫెన్స్‌ టీమ్స్‌ సంఘటనా స్థలానికి చేరుకుని, పరిస్థితిని చక్కదిద్దారు. ముందుగా విజిటర్స్‌ని ఖాళీ చేయించిన అధికారులు, ఆ తర్వాత మంటల్ని అదుపు చేశారు. కాగా, ఇండస్ట్రీ, కామర్స్‌ అండ్‌ టూరిజం మినిస్టర్‌ జాయెద్‌ అల్‌ జయానీ, ఘటన జరిగిన ప్రాంతాన్ని సందర్శించారు. ఓ రెస్టారెంట్‌ చిమ్నీ కారణంగా అగ్ని ప్రమాదం చోటు చేసుకుందని కేవలం 55 నిమిషాల్లోనే మంటలు అదుపులోకి వచ్చాయని అధికారులు పేర్కొన్నారు. మాల్‌ యాజమాన్యం తీసుకున్న చర్యలు అమోఘమనీ, తిరిగి మాల్‌లో కార్యకలాపాలు యధాతథంగా కొనసాగుతున్నాయని మినిస్టర్‌ చెప్పారు.