కువైట్ సిటీ: అల్‌ నువైసీబ్‌ కస్టమ్స్‌ విడుదల చేసిన గణాంకాల ప్రకారం 2019లో 2,075,55 వాహనాలు దేశంలోకి రాగా, 2,086,365 వాహనాలు దేశం నుంచి బయటకు వెళ్ళాయి. వీటిల్లో ప్రైవటు వాహనాలు, ట్రక్కులు వున్నాయి. గత డిసెంబర్‌లో అత్యధికంగా ఈ ప్రాంతం నుంచి వాహనాల మూమెంట్‌ కనిపించింది. 400,000కి పైగా వాహనాలు డిసెంబర్‌లో ఇక్కడి నుంచి రాకపోకలు సాగించినట్లు సీనియర్‌ అధికారి ఒకరు చెప్పారు. వాహనాల్ని క్షుణ్ణంగా తనిఖీలు చేసిన తర్వాతే దేశంలోకి రాకపోకలకు అనుమతిస్తున్నట్లు నువైసీబ్‌ కస్టమ్స్‌ ఇన్‌స్పెక్టర్‌ బిలాల్‌ అల్‌ ఖమీస్‌ చెప్పారు. 2 మిలియన్లకు పైగా సిగరెట్‌ ప్యాకెట్లు ఈ తనిఖీల్లో పట్టుబడ్డాయి.