మెగాస్టార్‌ చిరంజీవి 150వ చిత్రంపై ఓ స్పష్టత వచ్చినట్లు తెలుస్తోంది. మార్చి 27న చిరంజీవి తనయుడు రామ్‌చరణ్‌ పుట్టినరోజున ఈ చిత్ర షూటింగ్‌ ఆరంభం కానున్నట్లు సమాచారం. వి.వి. వినాయక్‌ దర్శకత్వం వహించే ఈ సినిమాకి చరణ్‌ తొలిసారి నిర్మాతగా వ్యవహరించనున్నారు. నయనతార కథానాయకిగా, బాలీవుడ్‌ నటుడు వివేక్‌ ఒబెరాయ్‌ ప్రతినాయకుడిగా నటిస్తున్నట్లు తెలుస్తోంది. విజయ్‌ హీరోగా తమిళంలో విడుదలై భారీ విజయం సాధించిన 'కత్తి' చిత్రాన్ని తెలుగులో రీమేక్‌ చేస్తున్నారు. చిరంజీవి, వి.వి. వినాయక్‌ కాంబినేషన్‌లో చివరి సారిగా 'ఠాగూర్‌' చిత్రం విడుదలైంది.