హ్యాపీడేస్ చిత్రంతో నటుడిగా మంచి గుర్తింపు తెచ్చుకున్నాడు నిఖిల్. ఈ యువ నటుడు హ్యాపీడేస్ తర్వాత హీరోగా పలు సినిమాలు చేసి మంచి విజయాలు అందుకున్నాడు. ఇటీవలే నిఖిల్ నటించిన అర్జున్ సురవరం మంచి టాక్ తెచ్చుకుంది. కాగా ఇప్పటివరకు సినిమాలతో బిజీబిజీగా గడిపిన నిఖిల్ ఈ ఏడాది పెళ్లి పీటలెక్కేందుకు రెడీ అవుతున్నాడు. నిఖిల్ తను ప్రేమించిన అమ్మాయిని త్వరలోనే పెళ్లి చేసుకోబోతున్నాడు. నిఖిల్ భీమవరం అమ్మాయి డాక్టర్ పల్లవివర్మను గోవాలో ప్రపోజ్ చేసి..పెద్దలను ఒప్పించి ఎక్కడైతే ప్రపోజ్ చేశాడో అదే గోవాలో ఫిబ్రవరి 1న నిశ్చితార్థం చేసుకున్నాడు. ఏప్రిల్ 16న నిఖిల్, పల్లవి వర్మల వివాహం జరుగనుంది. నిఖిల్, పల్లవి వర్మను ప్రపోజ్ చేసిన ఫొటోలు సోషల్ మీడియాలో వైరల్ అవుతున్నాయి. పెళ్లి వేడుకకు సంబంధించిన పూర్తి వివరాలు తెలియాల్సి ఉంది.