బెంగళూరు: మాజీ ప్రధాని దేవేగౌడ మనవడు, మాజీ సీఎం కుమారస్వామి వారసుడు నిఖిల్‌ నిశ్చితార్థం 10వ తేదీన జరుగనుంది. కాంగ్రెస్‌ పార్టీకి చెందిన సీనియర్‌ నేత, మాజీ మంత్రి ఎం క్రిష్ణప్ప సోదరుడు మంజునాథ్‌ మనవరాలు రేవతితో వివాహనం నిశ్చయమైంది. వారంక్రితమే మాజీ ప్రధాని దేవేగౌడ వియ్యంకుడి ఇంటికివెళ్లి చర్చలు జరిపారు. ఈమేరకు ఇరు కుటుంబాలు వివాహానికి అంగీకరించాయి. చెన్నపట్టణ, రామనగర్‌ మధ్య ప్రత్యేక కల్యాణమండపం లో ఆడంబరంగా వివాహం చేయదలిచారు. ఏప్రిల్‌ లేదా మే నెలలో వివాహం జరుగనుందని సమాచారం.