యూఏఈ:ఆరు అంతస్తుల భవనంలో మంటలు చెలరేగటంతో ఐదురుగురు గాయపడ్డారు. ఉమ్ అల్ క్వాయిన్ యొక్క అల్ రామ్లా ప్రాంతంలో ఈ ప్రమాదం చోటు చేసుకుంది. అగ్నిప్రమాదం ఇన్ఫర్మేషన్ అందగానే సివిల్ డిఫెన్స్ అధికారులు వెంటనే స్పందించారు. ఘటన స్థలానికి వెంటనే ఫైర్ ఫైటర్స్ టీంతో పాటు పారామెడిక్స్ ని పంపించారు. మంటలు మరింత విస్తరించకుండా ఫైర్ ఫటర్స్ మంటలను అదుపు చేశారు. అలాగే నేషనల్ అంబులెన్స్ కమ్యూనికేషన్స్ సెంటర్ వెంటనే ఎనిమిది ఆంబులెన్స్ లతో పాటు ఇద్దరు ఫస్ట్ రెస్పాండర్స్ ను ఘటన స్థలానికి పంపింది. ప్రమాదంలో గాయపడిన వారికి ప్రధమచికిత్స అందించి వెంటనే సమీపంలోని షేక్ కలీఫా ఆస్పత్రికి తరలించారు. గాయపడిన వారిలో ముగ్గురికి తీవ్రగాయాలు అవగా..మరో ఇద్దరికి స్వల్ప గాయాలయ్యాయి.