'కట్- కాపీ- పేస్ట్' ఈ మూడూ లేకుండా కంప్యూటర్‌లో ఏ పనీ చేయలేమనే విషయం విదితమే. ఈ 'కట్- కాపీ- పేస్ట్' ఆవిష్కర్త అయిన 'లారీ టెస్లర్' పర్సనల్ కంప్యూటర్ విప్లవకర్త అయిన స్టీవ్ జాబ్స్‌కు దక్కినంత ఆదరణ చూరగొనలేదు. అయితే టెస్లర్ అందించిన 'కట్- కాపీ- పేస్ట్' తదితర ఆవిష్కరణలు ఎంతగానో ఉపయుక్తమవుతున్నాయి. లారీ టెస్లర్(74) ఈరోజు కన్నుమూశారు. న్యూయార్క్‌లో జన్మించిన ఆయన స్టాన్ఫోర్డ్ విశ్వవిద్యాలయంలో కంప్యూటర్ సైన్స్ చదివారు. 1973లో ఆయన జెరాక్స్ పాలో ఆల్టో రీసెర్చ్ సెంటర్‌లో చేరారు. 'కట్- కాపీ- పేస్ట్' ఆవిష్కర్త ప్రయాణం ఇక్కడి నుంచి ప్రారంభమయ్యింది. టెస్లర్‌కు జెరాక్స్ పాలో ఆల్టో రీసెర్చ్ సెంటర్‌లో టిమ్ మాట్ అనే కంప్యూటర్ నిపుణుని సహాయంతో జిప్సీ టెక్స్ట్ ఎడిటర్ తయారు చేశారు. దీనిని మరింతగా అభివృద్ధి పరచి 'కట్- కాపీ- పేస్ట్' ను రూపొందించారు. లారీ టెస్లర్‌ అమెజాన్, యూహూ తదితర ప్రముఖ సంస్థల్లోనూ పనిచేశారు.