యూ.ఏ.ఈ:ముగ్గురు ఆసియా వలసదారులు డాక్యుమెంట్లను అలాగే ఐడీ కార్డుల్ని ఫోర్జరీ చేస్తున్నట్లు అభియోగాలు ఎదుర్కొంటున్నారు. షార్జా క్రిమినల్‌ కోర్టు ముందు వీరిని పోలీసులు హాజరు పరిచారు. సిఐడి అధికారులు, తమకు అందించిన సమాచారం మేరకు సోదాలు నిర్వహించగా, నిందితుల బండారం బయటపడింది. అల్‌ ఘువైర్‌ సౌక్‌లోని ఓ ఇంట్లో నిందితులు ఈ అక్రమ కార్యకలాపాలు నిర్వహిస్తున్నారు. మొదటి నిందితడి అరెస్ట్‌ తర్వాత పోలీసులకు ఈ రాకెట్‌కి సంబంధించి మరింత సమాచారం లభించింది. దాంతో, మరో ఇద్దరు నిందితుల్ని షార్జా ఇండస్ట్రియల్‌ ఏరియా నుంచి అరెస్ట్‌ చేయడం జరిగింది. మార్చి 23వ తేదీకి కేసు విచారణ వాయిదా పడింది.