కరోనా వైరస్ ను నివారించేందుకు కువైట్ ప్రభుత్వం మరిన్ని కఠిన నిర్ణయాలు తీసుకుంది. ముందు జాగ్రత్త చర్యల్లో భాగంగా అన్ని రకాల విసాల జారీని నిలిపివేసింది. ఈ మేరకు కేబినెట్ నుంచి మినిస్ట్రి ఆఫ్ ఇంటిరియర్ కు స్పష్టమైన సూచనలు అందాయి. మళ్లీ అదేశాలు వచ్చే వరకు ఎలాంటి వీసాలు జారీ చేయవద్దని తేల్చి చెప్పింది. అయితే..డిప్లామాటిక్ వీసాలను మాత్రం కొనసాగించనున్నారు. అలాగే జనం గుమికూడా ప్రాంతాల విషయంలోనూ కఠిన నిర్ణయాలు తీసుకుంది. స్కూళ్లకు మార్చి 26 వరకు సెలవులు పొడగించారు. సినిమా థియేటర్లు మూసివేశారు. అలాగే హోటల్స్, బాల్ రూమ్స్, వెడ్డింగ్ హాల్స్ ను కూడా మూసివేయాల్సిందిగా ఆదేశించారు. దేశంలో అన్ని రకాల స్పోర్ట్స్ ఈవెంట్స్ ని రద్దు చేశారు. మళ్లీ ఆదేశాలు వచ్చే వరకు ప్రస్తుత నిషేధ ఆదేశాలు అమల్లో ఉండనున్నాయి.