మస్కట్‌: ఒమన్‌లో నివసిస్తున్న వలసదారులు, ప్రపంచ వ్యాప్తంగా ఎక్కడ పర్యటించినా, వారు తిరిగి ఒమన్‌కి వచ్చేందుకు ఎలాంటి ఇబ్బందీ లేదని అధికారిక వర్గాలు వెల్లడించాయి. పబ్లిక్‌ అథారిటీ ఫర్‌ సివిల్‌ ఏవియేషన్‌ - ఎయిర్‌ ట్రాన్స్‌పోర్ట్‌ డైరెక్టర్‌ సలీం హమెద్‌ సైద్‌ అల్‌ హుసేని మాట్లాడుతూ, సుల్తానేట్‌ విమానాశ్రయాల ద్వారా నాన్‌ ఒమనీయుల ప్రయాణంపై బ్యాన్‌ వున్నప్పటికీ, గల్ఫ్ కోఆపరేషన్‌ కౌన్సిల్‌ దేశాలకు చెందిన పౌరులు అలాగే రెసిడెంట్‌ వీసాలున్న ప్రయాణీకులకు ఎలాంటి సమస్యా వుండదని స్పష్టం చేశారు. ట్రాన్సిట్‌ ప్రయాణీకులు సైతం ఒమన్‌ ఎయిర్‌ పోర్టుల ద్వారా ప్రయాణించేందుకు వీలు కల్పిస్తున్నారు.