మనామా:షేక్‌ సల్మాన్‌ రోడ్డుపై జరిగిన రోడ్డు ప్రమాదంలో 28 ఏళ్ళ వ్యక్తి మృతి చెందాడు. మృతుడ్ని హైద్రాబాద్‌కి చెందిన అహ్మద్‌ హయా అమూద్‌గా గుర్తించారు. అహ్మద్‌ హయా కుటుంబం బహ్రెయిన్‌లోనే వుంటోంది. వేగంగా వెళుతూ అదుపు తప్పి సిగ్నల్‌ వద్దనున్న డివైడర్‌ని ఢీకొనడంతో ఈ ప్రమాదం జరిగినట్లు అధికారులు తెలిపారు. ఈ ఘటనకు సంబంధించి సంబంధిత అథారిటీస్‌ తదుపరి చర్యలు తీసుకుంటున్నట్లు ఇంటీరియర్‌ మినిస్ట్రీ పేర్కొంది. పూర్తి వివరాలు తెలియాల్సి వుంది.