దోహా:కరోనా వైరస్‌ పట్ల అవగాహన పెంచే క్రమంలో జనరల్‌ డైరెక్టరేట్‌ ఆఫ్‌ ట్రాఫిక్‌, అల్‌ ఖోర్‌ సిటీలో వాహనదారులకు మాస్క్‌లు, గ్లోవ్స్‌ని పంపిణీ చేశారు. అత్యవసరమైతే తప్ప రోడ్ల మీదకు రావొద్దంటూ వాహనదారులకు సూచించారు. ఒకవేళ తప్పనిసరి పరిస్థితుల్లో రావాల్సి వస్తే, మాస్క్‌లు, గ్లోవ్స్‌ ధరించాలని సూచించడం జరిగింది. ట్రాఫిక్‌ రూల్స్‌ని పాటించాలనీ, వేగ పరిమతిని పాటించాలనీ, ఇతరులకు ఇబ్బంది కలిగించేలా వాహనాలు నడపరాదని హెచ్చరించారు. కిడ్జ్‌మాండో దోహా, ఔరా ఎంటర్‌టైన్‌మెంట్‌, పల్మా హాస్పిటాలిటీ సహకారంతో ఈ కార్యక్రమాన్ని చేపట్టారు.