మనామా:మినిస్ట్రీ ఆఫ్‌ ఇంటీరియర్‌, పలువురు అనుమానితుల్ని ఓ కేసులో అరెస్ట్‌ చేసినట్లు తెలిపింది. నిందితులు 20 నుంచి 23 ఏళ్ళ లోపు యువకులనీ, పోలీసులుగా తమను తాము చిత్రీకరించుకుంటూ, ఓ లేబర్‌ క్యాంప్‌లోకి దూసుకెళ్ళారని మినిస్ట్రీ పేర్కొంది. పోయిన మొబైల్‌ ఫోన్‌ని వెతుకుతున్నట్లు నిందితులు చెప్పారని మినిస్ట్రీ వెల్లడించింది. జనరల్‌ డైరెక్టరేట్‌ ఆఫ్‌ క్రిమినల్‌ ఇన్వెస్టిగేషన్‌ అండ్‌ ఫోరెన్సిక్‌, నిందితుల్ని గుర్తించడం జరిగిందనీ, అనంతరం వారిని అరెస్ట్‌ చేయడం జరిగిందని పేర్కొంది. నిందితులపై చట్టపరమైన చర్యలు తీసుకోబడ్తాయి. కాగా, మరో కేసులో ఓ బహ్రెయినీ వ్యక్తిని పోలీసులు అరెస్ట్‌ చేశారు. ఓ గల్ఫ్ జాతీయుడ్ని భయాందోళనకు గురిచేసినట్లు నిందితుడిపై కేసు నమోదు చేశారు పోలీసులు.

--రాజేశ్వర్(మాగల్ఫ్ ప్రతినిధి,బహ్రెయిన్)