కువైట్:నిబంధనల ఉల్లంఘనలకు పాల్పడుతున్న నేపథ్యంలో 1,923 ఫుడ్‌ డెలివరీ పర్మిట్స్‌ని రద్దు చేసినట్లు కువైట్‌ మునిసిపాలిటీ డైరెక్టర్‌ జనరల్‌ అహ్మద్‌ అల్‌ మన్‌ఫౌహి చెప్పారు. ఎలక్ట్రానిక్‌ సిస్టమ్ ద్వారా పుడ్‌ విక్రయాలు మరియు డెలివరీ ఆర్డర్లకు సంబంధించి ఎగ్జిక్యూటివ్‌ మెకానిజంని రూపొందించారు. అయితే, నిబంధనలకు అనుగుణంగా వ్యవహరించడంలేదంటూ అందిన ఫిర్యాదుల మేరకు ఈ చర్యలు తీసుకోవడం జరిగింది. 8,000 మంది వర్కర్స్‌కి ఈ మేరకు అనుమతులు ఇవ్వడం జరిగిందనీ, నిబంధనలకు అనుగుణంగా వ్యవహరించకపోతే ఎప్పటికప్పుడు పరిశీలించి చర్యలు తీసుకుంటామని అధికారులు పేర్కొన్నారు.