మస్కట్:ఒంటెలు వంటి జంతువులను విచ్చలవిడిగా రోడ్లపై వదిలివేసే యజమానులపై కఠిన చర్యలు తీసుకుంటామని హెచ్చరించారు అధికారులు. జంతువులను నిర్లక్ష్యంగా రోడ్లపై వదిలివేసే వారిని ఉపేక్షించేది లేదని జలవనరులు, ప్రాంతీయ మున్సిపాలిటీలు, న్యాయ విభాగం డైరెక్టర్ బదెర్ అల్ సయీది తెలిపారు. జంతువులను రోడ్లపై నిర్లక్ష్యంగా వదిలివేయటం ద్వారా ప్రజలకు తీవ్ర అసౌకర్యంగా ఉంటోందని, అలాగే ప్రభుత్వ, ప్రవైటు ఆస్తులకు తీవ్ర నష్టం జరుగుతోందని అన్నారు. మరీ ముఖ్యంగా సుల్తానేట్ పరిధిలో ఒంటెలను నిర్లక్ష్యంగా వదిలివేయటం ద్వారా ప్రమాదాలకు ఆస్కారం ఇస్తోందని..అందువల్లే జంతువులను నిర్లక్ష్యంగా వదిలివేసే వారిపై చర్యలు తీసుకుంటున్నట్లు ఆయన తెలిపారు.