అబుధాబి: కరోనా వైరస్‌ నేపథ్యంలో ముసాఫా ప్రాంతంలో రెండో దశ శానిటేషన్‌ అలాగే కోవిడ్‌-19 పరీక్షలు శనివారం నుంచి ప్రారంభమవుతున్నాయి. డిపార్ట్‌మెంట్‌ ఆఫ్‌ హెల్త్‌, సంబంధిత శాఖలతో కలిసి ఈ కార్యక్రమాన్ని నిర్వహిస్తోంది. ఫస్ట్‌ ఫేజ్‌ క్యాంపెయిన్‌ విజయవంతంగా సాగడంతో, రెండో ఫేజ్‌ని కూడా అదే నిబద్ధతతో పూర్తి చేయనున్నారు. ఎంపిక చేసిన బ్లాకుల్లో నివసిస్తున్నవారు, ప్రభుత్వం విడుదల చేసిన మార్గదర్శకాలు, సూచనలకు అనుగుణంగా సహకరించాలని విజ్ఞప్తి చేస్తున్నారు అధికారులు.