సౌదీ:కరోనా సంక్షోభంతో ఒడిదుడుకులు ఎదుర్కుంటున్న ప్రైవేట్ రంగాన్ని ఆదుకునేందుకు చేపట్టిన చర్యలను కొనసాగించాలని సౌదీ ప్రభుత్వం నిర్ణయించింది. ఇన్నాళ్లు ప్రైవేట్ రంగానికి అందిస్తున్న ఆర్ధిక సాయాన్ని కొనసాగించనుంది. ప్రైవేట్ సెక్టార్ లోని వేతనాల్లో 60 శాతం జీతాలను భరించేలా నిర్ణయం తీసుకుంది. నిరుద్యోగులను ఆదుకునేందుకు అమలు చేస్తున్న నిరుద్యోగభృతి 'సనెద్' పథకం ద్వారా ఈ అర్ధిక సాయం అందించనున్నట్లు వెల్లడించింది. అయితే..వ్యాట్ ను మూడింతలు చేసిన మరుసటి రోజే ఉద్దీపన చర్యలకు సంబంధించి ప్రకటన వెలువడటం గమనార్హం. 15 శాతం అమలు చేయటం వ్యాపార రంగాన్ని దెబ్బతీస్తుందని ఆర్ధిక నిపుణులు ఆందోళన వ్యక్తం చేస్తున్న విషయం తెలిసిందే. ఈ నేపథ్యంలోనే ప్రైవేట్ రంగానికి ఆర్ధిక తోడ్పాటు అందించేలా నిర్ణయించింది సౌదీ ప్రభుత్వం.