మనామా:వారసత్వంగా వచ్చిన వాహన నెంబర్ ప్లేట్ ఓ కుటుంబంలో చిచ్చు పెట్టింది. మేనత్తా, అల్లుళ్ల మధ్య తగువుకు కారణమైంది. చివరికి విషయం కోర్టు వరకు వెళ్లింది. బహ్రెయిన్ లో ఈ ఘటన చోటు చేసుకుంది. బహ్రెయిన్ కు చెందిన ఓ కుటుంబానికి వారసత్వంగా వచ్చిన ఆస్తిలో ఓ వాహనం కూడా ఉంది. ఆ వాహనం పాతబడినప్పటికీ ఆ వాహనం నెంబర్ మూడంకెల సెంటిమెంట్ తో ముడిపడి ఉండటంతో దానికి విపరీతమైన డిమాండ్ వచ్చింది. దీంతో సెంటిమెంట్ ను క్యాష్ చేసుకున్న ఓ మహిళ..మిగిలిన బంధువులకు తెలియకుండా ఆ నెంబర్ ప్లేట్ ను BD 1,00,000 ధరకు అమ్మేసింది. దీంతో ఆ మహిళ మేనళ్లుల్లు తమ వాటా కోసం కోర్టును ఆశ్రయించారు. వారసత్వంగా వచ్చిన వాహనం నెంబర్ ప్లేట్ ను ఏ ధరకు అమ్మారో అల్లుళ్లకు కూడా తెలియజేయాలన్న సుప్రీమ్ అప్పీల్స్ కోర్టు.. ..నెంబర్ ప్లేట్ వారసత్వంగా వచ్చిన ఆస్తిలో భాగమే కనుక అలుళ్లకు కూడా భాగం ఇవ్వాలన్న కింది కోర్టు తీర్పును సమర్ధించింది. అల్లుళ్లకు BD 61,000 చెల్లించాలని తీర్పు ఇచ్చింది.