రియాద్:పబ్లిక్ ప్రాంతాల్లో బార్బెక్యూ(మాంసాన్ని మంటపై కాల్చటం), షిషా నిర్వహణను సౌదీ ప్రభుత్వం నిషేధం విధించింది. ఇక నుంచి ఎవరైన పార్కులు, గ్రౌండ్స్ లాంటి పబ్లిక్ ప్రాంతాల్లో బార్బెక్యూ కోసం మంట పెట్టినా, షిషా(హుక్కా) నిర్వహించినా స్పాట్ లోనే ఫైన్ వేస్తామని హెచ్చరించింది. నిబంధనలు ఉల్లంఘించిన వారికి తొలిసారిగా 100 సౌదీ రియాల్స్ జరిమానా విధిస్తామని, రెండో సారి కూడా నిషేధాన్ని ఉల్లంఘిస్తే రెట్టింపు జరిమానా అంటే 200 సౌదీ రియాల్స్ జరిమానా విధిస్తామని సౌదీ పురపాలక మంత్రిత్వ శాఖ హెచ్చరించింది. బార్బెక్యూ కోసం మంట వెలగించటం ద్వారా నిర్వాహకులతో పాటు ప్రజలకు హాని పొంచి ఉన్న నేపథ్యంలో ఈ నిర్ణయం తీసుకున్నట్లు పేర్కొంది.