రియాద్‌: అక్టోబర్‌ నుంచి సౌదీ అరేబియా అంతర్జాతీయ విమానాల్ని నడిపేందుకు నిర్ణయం తీసుకుందంటూ సర్కులేట్‌ అవుతోన్న ఓ సర్కులర్‌ని ఫేక్‌ అని జనరల్‌ అథారిటీ ఆఫ్‌ సివిల్‌ ఏవియేషన్‌ పేర్కొంది. మార్చి 15 నుంచి సౌదీ అరేబియా అంతర్జాతీయ విమానాల్ని కరోనా వైరస్‌ నేపథ్యంలో రద్దు చేసిన విషయం విదితమే. కాగా, మే 31 నుంచి డొమెస్టిక్‌ విమానాలు నడుస్తున్నాయి. సోషల్‌ మీడియా వేదికగా ఓ ఫేక్‌ సర్క్యులర్‌ జిఎసిఎ పేరుతో ప్రచారంలో వుంది. ‘అక్టోబర్‌ వరకు అంతర్జాతీయ సర్వీసులకు వీలు లేదు’ అని పేర్కొన్నట్లుగా ఆ సర్క్యులర్‌ రూపొందబడి వుంది. ప్రస్తుతం అంతర్జాతీయ విమానాల పునరుద్ధరణపై ఎలాంటి నిర్ణయం తీసుకోలేదనీ, అయితే హ్యుమానిటేరియన్‌ అసిస్టెన్స్‌లో భాగంగా మెడికల్‌ ఎవాక్యుయేషన్‌, రిపాట్రియేషన్‌ విమానాలు వంటివి మాత్రం నడుపుతున్నట్లు జిఎసిఏ అధికార ప్రతినిధి¸ ఇబ్రహీం బిన్‌ అబ్దుల్లా అల్‌ర్వోసా చెప్పారు.