మనామా:ఐకానిక్ గార్డెన్ గా బహ్రెయిన్ ప్రభుత్వం చేపట్టిన వాటర్ గార్డెన్ ను పట్టణ ప్రణాళిక, మున్సిపల్ వ్యవహారాల శాఖ మంత్రి ఎస్సమ్ బిన్ అబ్ధుల్లా ఖలఫ్ పరిశీలించారు. పనుల్లో పురోగతిని అడిగి తెల్సుకున్నారు. ప్రస్తుతం వాటర్ గార్డెన్ ప్రాజెక్టులో జరుగుతున్న రెండో దశ పనులన్నింటి పరిశీలించిన మంత్రి..ప్రాజెక్టును మరికొద్ది నెలల్లో ప్రారంభించాల్సి ఉంటుందని, అందుకు అనుగుణంగా పనుల్లో ఇంకా వేగం పెంచాలని ప్రాజెక్ట్ అధికారులకు సూచించారు. మొత్తం 6 హెక్టార్లలో చేపట్టిన ఈ వాటర్ గార్డెన్ లో 12,349 చదరపు మీటర్ల విస్తీర్ణంలో సరస్సును ఏర్పాటు చేయనున్నారు. పర్యాటకులకు అహ్లాదం కలిగించేలా పచ్చని మొక్కలతో ఏకో ఫ్రెండ్లీగా రూపొందించనున్నారు.