మనామా:మామీర్‌లోని ఓ కంపెనీ నుంచి 9,000 బహ్రెయినీ దినార్స్‌ దొంగిలించిన కేసులో ఇద్దరు వ్యక్తుల్ని అరెస్ట్‌ చేసినట్లు మినిస్ట్రీ ఆఫ్‌ ఇంటీరియర్‌ వెల్లడించింది. సదరన్‌ గవర్నరేట్‌ పోలీస్‌ డైరెక్టర్‌ జనరల్‌ ఈ విషయాన్ని ధృవీకరించారు. నిందితులు 31 మరియు 33 ఏళ్ళ వ్యక్తులని పోలీస్‌ డైరెక్టర్‌ జనరల్‌ పేర్కొన్నారు. ఫిర్యాదు అందించిన వెంటనే విచారణ ప్రారంభించడం జరిగిందనీ, నిందితుల్ని ట్రేస్‌ చేసి అరెస్ట్‌ చేశామనీ, దొంగిలించిన డబ్బుని కూడా స్వాధీనం చేసుకున్నామని డైరెక్టర్‌ జనరల్‌ తెలిపారు. నిందితుల్ని పబ్లిక్‌ ప్రాసిక్యూషన్‌కి అప్పగించారు.